أميرة القلب
نائب المدير
رقم العضوية : 2 تاريخ الميلاد : 27/11/1986 عدد الرسائل : 2344 الموقع : أم الدنيا مصر جنب النيل بشويه العمر : 37 تاريخ التسجيل : 07/08/2008
| موضوع: عمركم شفتوا انتوا سمعهم تقيل بيكلموا بعض ...طب شوفوا كده؟ الخميس سبتمبر 03, 2009 6:33 pm | |
| بسم الله الرحمن الرحيم تخيلوا لو اثنين سمعهم ثـقيل يتكلموا مع بعض!! .ايه اللي ممكن يحصل ؟ تعالوا نشوف.
اثتين سمعهم ثقيل جداً واقفين على محطة الاتوبيس ودار بينهم الحوار التالي :
الأول : الاتوبيس ده بيروح مــصر الجديدة؟
الثاني : على الحديدة !!... ليه انت طالب احسان ؟
الأول : بذرة الكتان !! لا ..دي تلاقيها عند العطار
الثاني : جزار!! اه ..قوللي كده .. عايز تشتري لحمة
الأول : معك حق.. الدنيا زحمة ..علشان ده ميعاد خروج الموظفين
الثاني : نور الدين !! لا والله .. ماعرفوهش
الأول : ما بتشربوش!! ليه ..كفا الله الشر
الثاني : رأس البر !!! ..ده مــصيف هادي
الأول .: عايز تركب للمعادي... دي منطقة جميلة
الثاني : بليلة !! انت شكلك كده جعان
الأول : عيان!!! أي والله .انت باين عليك عيان ..طيب ما تروح للدكتور
الثاني: الحنطور!! ده احسن من الأتوبيس ، وبيوصلني لحد الباب
الأول : هبــــاب !!! وانا اللي كنت فاكرك محترم
الثاني : اتخـرم !! هو مين ؟؟
الأول : عاوز اسـبرين ! ليه انت عندك صداع ؟
الثاني : قراع !!! ينهار اسود . ده مرض خطير
الأول : فطير !!! لا والله مش عايز. وبعدين مش بأحب الفطير. تقيل على المعدة وتمنه غالي
الثاني: خالي !!! انت تعرف خالي ؟ ده راجل كبير في السن
الأول : الجن !!! نهارك مش فايت ..انت عليك عفريت .!؟
الثاني : لا والله ..ممعاييش.. انت عايز الكبريت ليه ؟ عايز تولع؟
الأول : أدلع !!! أدلع عليك انت!؟ انت ما تملاش عنيا
الثاني قبضوا عليا !! ليه !؟
الأول : انت غريب يا راجل انت..شكلك شحات ، ( يدفعه من القميص) روح اشتغل شغلة تاكل منها عيش
الثاني : خيش !!! والله ده صوف انجليزي
الأول: بنتك زيزي !!! ربنا يخلي...
الثاني : أنتاج محلي !!!! ده مستورد
يمر شاويش من بتوعنا ... يلفت انتباه الحوار، : بتعمل ايه يا جدع منك له!!!
الاتنين: ايوة يا شاويش ...احنا مستنين الأتوبيس
الشاويش :جواسيس !!!! نهاركم مش فايت ....قدامي على القسم بسرعة :ههه: :ههه: :ههه: :ههه: :ههه: :ههه: :ههه: | |
|
حسام الشاعر
الشاعر حسام ابو الحسن
رقم العضوية : ( 1 ) تاريخ الميلاد : 15/12/1984 عدد الرسائل : 5354 الموقع : ( الكويت ) العمر : 39 تاريخ التسجيل : 07/08/2008
| موضوع: رد: عمركم شفتوا انتوا سمعهم تقيل بيكلموا بعض ...طب شوفوا كده؟ الأحد سبتمبر 13, 2009 9:18 pm | |
| ههههههههههههههههههههههههههههههههههههههههههههههههههه هههههههههههههههههههههههههههههههههههههههههههههه ههههههههههههههههههههههههههههههههههههههههههههههه
انا بسمع النكته دي من قبل عشر سنين ومش عارف احفظها يا نهار ابيض هي لسه قاعده
تسلم ايدك يا سمر | |
|
أميرة القلب
نائب المدير
رقم العضوية : 2 تاريخ الميلاد : 27/11/1986 عدد الرسائل : 2344 الموقع : أم الدنيا مصر جنب النيل بشويه العمر : 37 تاريخ التسجيل : 07/08/2008
| موضوع: رد: عمركم شفتوا انتوا سمعهم تقيل بيكلموا بعض ...طب شوفوا كده؟ الأحد سبتمبر 20, 2009 4:56 pm | |
| تخيل يا حسام بس هما شكلهم ماتوا ههههههههههههههههه نورت الموضوع يا ريس[center][b] | |
|