فيه كده وفيه كده وفيه كده

من كتر ما حكيت عنها قالولي أوصفها

سكت معرفتش أرد بأيه

قالوا ما تنطق سكت ليه

قولتلهم مش عارف

خايف

خايف إحساسي يخوني

وحقها ما أوفيها

حبيبتي دي حياتي

حياتي متسواش لو هي مش فيها

هي عندي كل الدنيا

وهي للدنيا احلي ما فيها

نظرة عيونها مبترحمش

والعسل سايل ع الشفه

لو شافها القمر يخجل ولا يكملش

والبدر من جمالها يتخفى

ورده مفتحه قبل الأوان

الشجر حوليها ناشف ودبلان

وهي زاهية بألوانها

الصبح ميطلعش لو غابت

حتى النسيم عشقانها

الشعر سارح

والرمش جارح

والعود مفرود

جمال مالوش وصف مالوش حدود

نظره عيونها مبترحمش

سيف مسنون فوق الرمش

حبيبتي حنونه شقيه مجنونه

قالوا بسسسس متكملش

إيه يعم

أنتا بقالك مبتحلمش

هو في كده

بصوا هناااااك لقوها جايه

بقولهم في إيه ؟

قالوا في كدا

وفي كدا
كده