حسام الشاعر
الشاعر حسام ابو الحسن
رقم العضوية : ( 1 ) تاريخ الميلاد : 15/12/1984 عدد الرسائل : 5354 الموقع : ( الكويت ) العمر : 39 تاريخ التسجيل : 07/08/2008
| موضوع: جوايـــه كــــــلام الإثنين أكتوبر 17, 2011 12:44 pm | |
| جواية كلام قولت اكتب لحبيبي رسالة بس صدقيني احترت اكتب أيه كل الكلام اللي عندي قولته عملت اللي ربنا يقدني عليه بس مش عارف ليه حاسس إني ما وفيت قولت كل اللي عندي وبرضه ما وفيت لو فضلت أوصف مليون سنه عمري ما اعرف أعبر عن اللي جوايه عمري ما هقدر أوصف اللي أنا حاسس بيه تعالي .. اسكنيني ادخلي جوايه شوفي القلب شايل قد أيه هتلاقي كلام كتيـــر قوي مش قادر أوصفه ومعنديش وصف ليه تعالي واسكنيني ولو عندك وصف للي جوايه مليني جوايه إحساس غريب مش فاهمه فهميني يمكن لأقي كلام من اللي نفسي أقوله أنتي اللي ساكنه جوايه وملكاني القلب ده بتاعك أنتي وبس ومفيش بعدك ولا واحده تتحس مستحيل اقدر أوهبه لحد تاني عمري ما حسيت زي إحساسي ده ولا عمري ما كنت أتخيل إني هـ حب وأعشق وادب بالشكل ده تكوني معايه وبتكوني برضه وحشاني تغيبي روحي تغيب وتعود لما تعودي من تاني بسمع كل كلام البشر بصوتك عشقتك عشقت كلامك همسك سكوتك بحب إحساس الاشتياق وأنتي غايبه بحب إحساسي وعيوني متشوقه ولحظه لقي دايبه بحب إحساسي بالحنين بحب أحب .... وأتلوع ...... وتكويني نار العشاق للمعشوقين حبيت فيكي كل الأحاسيس بحبك حتى لما نتواعد واجري على معادك واستني وأنتي متجيش حبيت فيكي جنونك وشقاوتك وكل لحظة طيش حبيت فيكي كل شيء دمعتك فرحتك ضحكة الطفل البريء حبيت فيكي الحب كل الحب وعليتك فوق القمر وعزلتك عن كل البشر وسكنتك جوا القلب حبيت فيكي إحساسي اللي لسه معرفتهوش وبترجاكي تعالي واسكنيني شوفي أيه اللي جوايه ترجميه ومليني رغم كل اللي قولته لكن لسه جوايه كلام مقولتوش معرفتوش جوايه كلام موصفتهوش جوايه كلام حســــــــــام ابــو الحســــــــــن | |
|