قصيدة لحظة حنين جديد

في لحظه حنين



في لحظة حنين نزلت من عيني دمعة
انتي متستهليهاش

مش أنتي اللي جرحتي
وبعتيني وبعتي كل شيء ببلاش

معرفش أزاي جه في بالك
إن الحياة هتقف بدوبنك

وإزاي تخيلتي إن الحياة
بدونك هتكون صعب تتعاش

عٌمر الزمن ما بيوقف علشان حد باع حد خان

ياما في الدنيا ناس كتير
بتشوفي في وجوهم طيبه
بس مالهاش امان

في لحظة حنين

جبت قلمي وأوراقي
قولت اكتبلك كلمتين

مع اني متأكد انك عمرك
ما هتقدري تفهميهم

حتى إيدي عصتني
لما حاولت اذكر اسمك
في سطر فيهم

رفض أنك تكوني بطله لقصصي ورواياتي

انا بجد مش عارف إزاي كنتي في يوم حب حياتي

إزاي أنا رسمت عليكي أمال و كل طموحاتي

إزاي كنتي بالنسبالي كل حاجه
اتاريني كنت أعمى

ما أنا عايش أهو بدونك
وأحسن من لما كنتي معايه

صدقيني إنتي طلعتي ولا حاجه

وأنا اللي كنت طالع بيكي لسابع سماء

بس سبحان ربك مسبب الأسباب

قابلت الخاينه في زمن كداب

قفلتي في وشي كل البيبان
مع إني فتحتلك ألف باب

معترف أنه صحيح قلبي انكسر

ماهو مفيش اصعب من جرح الاحباب

بالذات لما يكونوا بالنسبالك كل حاجه

بعد حب كبير وتضحيات كتير يطلعوا ولا حاجه

دائما ينسوك وقت أفراحهم
ويفتكروك وقت الحاجه

لحظه حنين فكرتني بيكي بعد ما نسيتك

معليش سامحيني

ما أنا كنت اتغشيت فيكي
واتنيلت علي عيني وحبيتك

كنت بغير عليكي من الهواء الطاير

كنت بغير من أشعة الشمس
لما بتصحي قبلي وتدق بابك

من همساتك وضحكتك ونظرات أصحابك

كنت بعشق ضحكتك وهمسك نظرة عنيكي

كنت ببقي شارد تايه وألاقي روحي فيكي

كنتي بالنسبالي كل حاجه

بس للأسف كنت مخدوع

مغمض عيوني ومكدب فيكي كل ظنوني

بمجرد ما فتحت لقيتك ولا حاجه

وإني بيكي من غيرك عايش

بيكي من غيرك مش ناقصني حاجه

هي بس لحظه الحنين
اللي فكرتني بيكي

فـ نزلت الدمعه من عيني

ورغم كل الكره اللي في قلبي تجاهك

مش عارف ليه حاسس إنك وحشتيني

أنا مش عارف إن كنت بحبك ولا لا

منك لله لخبطتي كل كياني وجننتيني

معرفش إزاي بعد ما حبيتك الحب ده كله
جالك قلب تهجريني

خلاكي تسقطي من نظري
خلاكي في عيوني ولا حاجه

هي بس لحظه الحنين اللي فتح في قلبي
جرح نسيته من سنين

بعد ما كنت ما صدقت نسيتك

نسيت اللي شوفته علي ايدك
واني حبيتك