رقم العضوية : 22 تاريخ الميلاد : 05/12/1989عدد الرسائل : 6233العمر : 34تاريخ التسجيل : 27/01/2010
موضوع: كلام مروش السبت سبتمبر 18, 2010 5:30 pm
السلام عليكم
امبارح كنت بفكر في كلامنا ولغتنا اللي احنا فرحانين بيها اوي ومسمينها اللغه الشبابيه مش هعمل فيها بقي اني مش بتكلم بيها بالعكس انا في دايما بتكلم بكلامنا الغريب ده بس حبيت اراجع كده كل كلمه بقولها واشوف ليها معني ولا لا والحمد لله بكل فخر اكتشفت ان مالهاش اي معني
هبدء معاكوا كده بكلام دارج اوي ما بينا وهقول تفسيري عليه نبدء بكلمه فكك مني يعني ايه فكك مني ؟؟؟ كلمه "فك " كنا بنقولها زمان علشان نفك لعبه من بعضها زي الميكانو كده او المكعبات وكانت فعلا بتعبر عن الموقف لكن دلوقتي لو فكرنا احنا بنستخدمها ازاي هنلاقي ان مالهاش معني ومجرد كلمه اتعودنا عليها واناطول النهار بقولها اصلا
تاني كلمه "ياعم ده حوار" التعريف الطبيعي لكلمه حوار انه مناقشه بين اتنين احنا بقي بقدره قادر حولنا كلمه حوار انه كذب وان فلان كذب علي فلان رغم ان المعني الاساسي والصحيح ليها غير كده خالص
الكلمه التالته "اشتغاله " ده بيشتغلك " برضه كلمه مالهاش اي معني لانها تصريف لكلمه شغل يعني لما حد يقول لحد انا كنت بشتغلك يعرف علي طول الطرف التاني ان الطرف الاول اتعامل معاه علي اساس انه ورقه بيشتغل فيها
الكلمه الرابعه "فاكس " اهي دي بقي بجد معرفش معناها بس هي نفس حروف كلمه "فاكس" فاكس الكمبيوتر يعني كلمه فاكس بنقولها علي موضوع بايظ او مش هيكمل يبقي كده بقي احنا بنقول كلام وخلاص مالوش اي معني
الكلمه الخامسه ودي بقي بتجمع بين اكتر من حاجه كلهم ليهم معني واحد "مسقط - فاصل-قاطع شحن" والتلاته دول بنستخدمهم علشان نعبر بيهم اد ايه احنا تعبانين مسقط هتيجي بمعنين مسقط الراس ومعناها المكان الي اتولدنا فيه او مسقط ودي بلد عربيه كلمه فاصل كلنا عارفين معناها انها فرق بين حاجه وحاجه زي الفاصل الاعلاني قاطع شحن بتتقال علي الموبايل بس علشان احنا مختلفين اتملنا مع نفسنا علي اساس اننا موبيلات
"انا بنتش عليك" كلمه نتش يعني كذب بلغتنا بس معناها الحقيقي غير كده يعني مثلا لو حد لابس تي شيرت ومثلا مسمار قطعه بيتقال علي الموقف ده التي شيرت اتنش بس برضه لاننا مختلفين بقي نركب كلام مالوش معني او ده مش مكانه المناسب بنركبه علي اي حاجه وخلاص حتي لو مش لايقه
مش هتكلم بقي علي الواد ده موز والبت دي موزه وروش لان الكلام ده قديم خلينا في كلمه "فحت" كلمه فحت استخدمها الاكتر في مجال البناء المعماري او الهندسه او البترول في حاجه اسمها فحت وردم فبجد يعني ايه نقول علي فيلم مثلا "جامد فحت " طيب جامد يعني شديد وكلمه شديد لوحدها مصطلح برضه شبابي مش بنستخدمه غير علي حاجه جامده اوي اما كلمه فحت فبجد مش لاقيه تفسير مفيد اقدر اوصفها بيه
نفض يامان واحلق وكبر برضه التلاته واحد نفض اللي قدامك بيتعامل معاك علي اساس انك خدام احلق مالهاش اي معني خالص حد مستني يحلق ايه اللروش فيها كلمه زي دي اما كبر دماغك بقي دي معناها ان كل الواحد ما هيكبر دماغه كل ما هيشيل فيها مواضيع اكتر يعني الكلمه دي مضره ليه ومفيهاش فايده بس رخامه مننا بنقولها
"انا كنت بزاولك" تمشي نفس معني بشتغلك رغم ان معنها غير كده خالص لان مزاوله ايام زمان كان بيجي وراها كلمه مزاوله العمل يعني الشغل برضه
في الاخر كده .... بجد احنا بنتكلم كده علشان يبقي لينا لغه خاصه بينا محدش يفهمنا غيرنا ؟ ولا بنتكلم كده علشان احنا تافهيين زي ما بيتقال علينا وبنتاثر باي حاجه ومالناش شخصيه ؟ وكل واحد يقولي معني كل كلمه قولتها من وجهه نظره بيشوف معناها ازاي ؟
اضافه بسيطه اللي عنده اي كلام جديد انا مقولتوش ياريت يقول عليه ويقول علي معناه علشان نفيد ونستفيد
osama مشرف قسم الأغانى
رقم العضوية : 4 تاريخ الميلاد : 11/08/1978عدد الرسائل : 687الموقع : حضن حبيبى العمر : 45تاريخ التسجيل : 09/08/2008
موضوع: رد: كلام مروش السبت سبتمبر 18, 2010 5:35 pm
نايس نايس بس انتى نسيتى كلمة هنصيع على بعض بقى هههههههههههههههههههههههههههههههههههههههه احلقلى بقى هههههههههههههههههههههههههه
نور مشرفة قسم المنتدي العام
رقم العضوية : 22 تاريخ الميلاد : 05/12/1989عدد الرسائل : 6233العمر : 34تاريخ التسجيل : 27/01/2010
موضوع: رد: كلام مروش السبت سبتمبر 18, 2010 5:54 pm
ههههههههههههههههههههههه مجرم محترف وحيات ربنا ما فى مجرم محترف فى المنتدى زيك ههههههههههههههههههههههه
هيام مشرفة قسم الفرفشة
رقم العضوية : 384 تاريخ الميلاد : 22/02/1987عدد الرسائل : 456العمر : 37تاريخ التسجيل : 11/09/2010
موضوع: رد: كلام مروش الأحد سبتمبر 19, 2010 4:56 pm
ههههههههههههههههههههههههههههههههههههههههههههههههههههههههههههه محترف مجرم تؤتؤ مين ده اسامه تؤتؤ ده ملاك برئ انتي اكيد ماتعرفيهوش او بتنتيشي عليه ويمكن بتشتغليه المهم يانور فكك منه بقي وماتفتكسيش عليه حاجات بس بصراحه موضوع جامد اخر حاجه وانا فعلا معرفش الشباب السيس بيستخدموا الحوارات دي لييه وع كلنا الحمد لله ان انا موش منهم خالص انا اتحدث اللغه العربيه بطلاقه هههههههههههههههههههههههههههههههههههههههههههههههههههههههههههههههههههههههههههههه
نور مشرفة قسم المنتدي العام
رقم العضوية : 22 تاريخ الميلاد : 05/12/1989عدد الرسائل : 6233العمر : 34تاريخ التسجيل : 27/01/2010
موضوع: رد: كلام مروش الأحد سبتمبر 19, 2010 8:22 pm
هههههههههههههههههههههههههههههههههههههههه دى مش لغة عربية دة انتى بوظتى اللغة خالص واضح يا بت انك تعليم بير سلم شحط محط ههههههههههههههههههههههههههههههههههههههههه فضحتينى ههههههههههههههههههههههههههههههههههههه
هيام مشرفة قسم الفرفشة
رقم العضوية : 384 تاريخ الميلاد : 22/02/1987عدد الرسائل : 456العمر : 37تاريخ التسجيل : 11/09/2010
موضوع: رد: كلام مروش الأحد سبتمبر 19, 2010 10:52 pm
ع فكرة يانور انا اسفه لاكن الهزار مايبقاش كده ايه تعليم بير سلم ده انا يا عمري تعليم منور درجه اولي ههههههههههههههههههههههههههههههه وعلي العموم انتي ال يقعد معاكي ينسحل اخر حاجه علشان كده انا هقوم من جمبك سي يو بقي بيبي اروح اكمل تعليمي ههههههههههههههههههههههههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههههههههههههههههههههههههه
نور مشرفة قسم المنتدي العام
رقم العضوية : 22 تاريخ الميلاد : 05/12/1989عدد الرسائل : 6233العمر : 34تاريخ التسجيل : 27/01/2010
موضوع: رد: كلام مروش الأربعاء سبتمبر 22, 2010 9:39 pm
خدى يا بت انتى تعالى هو دخول توبيك نور زى خروجى تبقى بتحلمى وبعدين انتى حببتى اتهدى اقعدى هنا جانبى هعورك هههههههههههههههههههههههههههه
THE HERO مشرف قسم الإسلاميات
رقم العضوية : 10 تاريخ الميلاد : 19/07/1993عدد الرسائل : 1820الموقع : مصر فى قلب النيلالعمر : 30تاريخ التسجيل : 07/08/2010
موضوع: رد: كلام مروش الخميس سبتمبر 23, 2010 4:48 am
فى كتير انت هتسرح بيا عيال تيت اعمل من بنها = طنش = اعمل عبيط اخلع كدة يعنى وفيه كلام كتير مش على دماغى بس موضوع جميل هههههههههههه
هيام مشرفة قسم الفرفشة
رقم العضوية : 384 تاريخ الميلاد : 22/02/1987عدد الرسائل : 456العمر : 37تاريخ التسجيل : 11/09/2010
موضوع: رد: كلام مروش الجمعة سبتمبر 24, 2010 5:53 am
ههههههههههههههههههههههههههههههههههههههههههههههههههههههههههههه اقعد جمبك يبقي هنفشل احنا الاتنيين ده احنا كل واحده لوحدها وفشله امال لو اتلمينا ع بعض هنعمل اييييييييييييييييييييييييييييييييييه ههههههههههههههههههههههههههههههههههههههههههههههههههههههههههههههههه لاكن شكلي هقعد وامري لله فشل بفشل بقي موش هنخسر كتيير هع هع هع
نور مشرفة قسم المنتدي العام
رقم العضوية : 22 تاريخ الميلاد : 05/12/1989عدد الرسائل : 6233العمر : 34تاريخ التسجيل : 27/01/2010
موضوع: رد: كلام مروش السبت سبتمبر 25, 2010 8:09 pm
افتكر هيرو وانا فى انتظار الكلام نورتنى
هيام وربنا طول ما انتى ورايا صدقينى هتفشلى وفشل زريع ههههههههههههههههههههههههههههههههه