كل الاعضاء تتفضل هناااااا وبالذات الجديد

بسم الله الرحمن الرحيم
حتة فكره ياريت كلنا نعمل بيها علشان نتعرف علي بعض كويس الفكره بالشرح علي طول يلا كله
يعمل زيي

ـ-> الاسم :-*** حسام المصري

--> السن :-
*** 25 وكم شهر

--> الطول :- ***170

--> البلد :-
*** مصر / محافظة سوهاج

--> موقف حصلك :-هو اوحش موقف فى حياتى كان موقف لذيذ اوي اول وحده اعجب بيها في حياتي زميلت بنت عمي قبلتها وحكيت معاها كام كلمه بالعدد ازيك عامل وايه وخلاه وحكيت عليها لصاحبي مع شويه تحابيش وصمم يشوفها اخته معاي تاني يوم كل ما اجي اكلمها تهرب مني بصلي كده صاحبي وقالي دي قولت اه قال لي ( يلا بينا دي اختي ههههههههه)

--> هل بحب فى قصه حب :-
*** كنت بحب وحده اوي وكتبت القصه في المنتدي علي اجزاء )
وادي الرابط
https://general10.yoo7.com/montada-f71/topic-t2671.htm#10166

--> اصحابى القريبين :-
*** صاحبي قلمي وعشيقتي اوراقي

--> كلمه لكل الناس :- *** لا تكن مخادع ولا تكن كذاب ، ولا تكن طيب فتأكلك الذئاب ، ولا تجعل مشاعرك ارضاً يدوسها كل الناس ، بل اجعلها سماء يتمناها كل الناس )

--> دعوة بحبها :-*** اللهم انك عفوواً تحب العفوا فعفوا عنا

--> امنيه بتمناها :- *** اني اطلع من الدنيا لي وليس علي

--> تقييمك للمنتدي :- بيتي الثاني

مستنيكم Embarassed

هههههههههههههههههههههههههه
احسن انها طلعت اخت صاحبك يابو عين زايغة

ـ-> الاسم :- نــــــور أحمـــــد

--> السن :- 21

--> الطول :- 168

--> المهنه :- اخر سنة تجارة انكليج

--> البلد :- القاهرة -- الهرم

--> موقف حصلك :- كنت سايقة عربيتى وعملت حادثة واتعملت من الاخر سندوتش وانا بعمل العمليه خرج الدكتور لقى اختى هى توامى وشكلى بالنص
هو طبعا ما عندوش خلفية واول لمة شافها قال انتى مين
بسم الله الرحمن الرحيم
انا لسة سيبك جوة
موقف بجد وهما بيحكولى انا وقعت من كتر الضحك .

--> هل بحب فى قصه حب :- ..............................

--> اصحابى القريبين :- دموعى وورقتى وقلمى

--> كلمه لكل الناس :- يا رب كل واحد ينول ويحقق اللى بيتمناه

--> دعوة بحبها :- يا رب تنجحى

--> امنيه بتمناها :- انى اطلع من الدنيا على خير

--> تقييمك للمنتدي :- دة كل حياااتى

الاسم : سمر

السن : 23

المهنة : كيميائيه تحاليل طبيه

البلد : القاهرة حاليا والاساس الصعيد طبعا

موقف حصلك : أول سكشن تشريح كنا بنشرح ضفادع والضفدعة فى وسط التشريح
كان لسه فيها الروح وقامت ناطت والكل قام يجرى ويسوط

--> هل بحب فى قصه حب :- لسه شويه

اصحابى القريبين :- طبعا هما كل حياتى ملك وريم ربنا يخليهمولى يا رب

--> كلمه لكل الناس :- كل واحد يجب ان يكون نفسه وكما يحب ليس كما يحب الاخرين

--> دعوة بحبها :- دعوة والدى الله يرحمه " ربنا يكرمك ويحميكى "

--> امنيه بتمناها :- انى أخلص الماجيستير بتاعى قبل سنه 2012ان شاء الله

--> تقييمك للمنتدي :- دة مشروع العمر او بيتى التانى

عاشت الاسامى
العمر كله
ربنا يوفقك وتاخديها
دعوة بحبها :- دعوة والدى الله يرحمه " ربنا يكرمك ويحميكى
الله يرحمه وربنا يكرمك ويحميكى يا رب

ـ-> الاسم :- اسامه خيرى

--> السن :- 31

--> الطول :- 178

--> المهنه :- حداد مسلح

--> البلد :- الشرقيه منيا القمح

--> موقف حصلك :- كنت راكب القطار ومفيش مكان اقعد فيه ركنت على باب القطار
فى ركنتى ركنت على بنطلون واحد كان واقف جمبى قالى لو سمحت وسع شويه ابعد البنطلون قمت اتاخرت على طول انا فكرت انه خلاص بعد بالبنطلون ركنت تانى ببص لقيته بيقولى لو سمحت البنطلون بس فضحكت بيقولى بتضحك قولتله امال اعملك ايه وكان بيرفع ايده وهيضربى انا مش عارف ازاى رفعت ايدى قبله وشرحت وشه خالص خربشه بس لان القطار كان زحمه مينفعش فيه ضرب الا بالايد وكان عنده حرق على ظهر ايده انا شيلتله الحرق دا كله والناس كلها كانت بتتفرج ازاى انا اضرب واحد كبير انا كنت صغير لسه حوالى 15 سنه واتصالحنا مع بعض داخل القطار وفى الاخر طلع شغال فى السكه الحديد قبل ما نوصل المحطه قزحت من القطار ما ممكن يعمل الناقصه معايه ويسلمنى للشرطه وخد عندك بقى ضرب لحد ما يبانلك اصحاب

.

--> هل بحب فى قصه حب :- الحمد لله شبكت والفرح الكبير ان شاء الله فى عيد الاضحى
--> اصحابى القريبين :- سيد زميلى فى الشغل ومتربيين مع بعض واحمد زى اخويا

--> كلمه لكل الناس :- يا ريت متحولوش تظلموا حد باى كلمه اتقالت فى حقه عن طريق حد تانى

--> دعوة بحبها :- ربنا يفتحها فى وشك يبنى

--> تقييمك للمنتدي :-مش كل حياتى ولا حاجه بس لما بكون فاضى بدخلله ومحدش يزعل منى انا متعود اقول رايى بكل صراحه

انا يمكن قبل كده قلت كلام بس اليوم بقول كلام اخر قبل كده قلت اسم غير اسمى وكمان سن غير سنى ما بعرف ان كان ده ياثر معاكم ولا بس الى بعرفه انه لا بسن ولا بااسم على العموم
الاسم :نوران محمد
السن :17 سنه
المهنه : طالبه ثانويه عامه
هل بحب فى قصه حب: حاليا لا سابقا يمكن بس الان عرفت انه مكنش حب حقيقى
موقف حصلى : كتير اوىىىىىىىىى صعب اقول حاجه منهم
دعوه بحبها : يارب ينجحك ويؤفقك فى حياتك ويارب يرضى ربنا عنك
امنيه :بتمنى انجح واجيب مجموع حلو كتير علشان اكون بيه حاجه حلوه لنفسى وعلشان افرح الناس الى تعبت معايا
كلمه لكل الناس :لاتبكى فمن لا يبكى عليك
تقيمك للمنتدى : بصراحه انا اول مره ادخل منتدى واعرفه كان هو ده انا بعز المنتدى كتير اوى لانى عرفت فيه ناس كتير بحبها كتير لما بحب احكى او افضفض بجى احكى معاكم
البلد : عايشه فى الجيزه بس الاصل الصعيد من اسنا

.>

الاسم.... سارة

> السن ....20

>المهنة....فى 3 كلية تربية نوعية

>البلد.....المنصورة

موقف حصلى....يعنى مفيش مواقف غريبة حصلتلى

هل بحب فى قصة حب...... لا مفيش فى حياتى قصة حب

اصحابى القريبين.....اصحابى هية نفسى

كلمة لكل الناس.... يارب كل واحد يحقق امنياتة واحلامة الى بتمناها

دعوة بحبها..... ربنا يحميكى من شر كل الناس

امنية بتمناها.....ان ربنا يوفقنى فى حياتى واحقق كل احلامى

تقيمك للمنتدى..... بحبة جدا جد

ا

osama كتب:: عاشت الاسامى
العمر كله
ربنا يوفقك وتاخديها
دعوة بحبها :- دعوة والدى الله يرحمه " ربنا يكرمك ويحميكى
الله يرحمه وربنا يكرمك ويحميكى يا رب

شكرا جداا على مرورك ودعوتك دى
والف مليووون مبروك على الفرح بس فين
الشيكولاته بتاعة الفرح " بطل بخل"
وبعدين انا هقدملك هديه لو عايز تعمل تحاليل هعملك خصم
اى خدمة يا عم دى حلاوة الخطووبه

الاسم/ محمد سعد

السن / 18 سنه

المهنه / طالب في كليه الحقوق الفرقه الاولي (محامي مع ايقاف التنفيذ)

البلد / سوهاااااااااااااااااااااااااااااااااااااااجي

موقف حصلي / محصليش

هل بحب في قصه حب / لا والله محصليش الشرف (بعد الشر )

اصحابي القريبين / اتنين من ايام ابتدائي لحد الجامعه ( احمد - محمد )

كلمه لكل الناااااااااااس/ اضحك قبل الضحك مايغلي ويتعبي في قزايز بلاش نكد كفايه اللي احنا فيه

دعوه بحبها / اللهم ما اتنا في الدنيا حسنه وفي الاخره حسنه وقنا عذاب النار

امنيه بتمناها / اني ا خلص امتحانات وانجح بتقدير

تقييمي للمنتدي / طبعا عمل رائع وربنا يحفظ اللي قائمين عليه

طبعا اتشرفت بييييييييييييييكم كلكم
وربنا يكرمنا واياكم يارب
نورتوا الموضوع وعقبال باقي الناس

الاسم/ هشام محمد
السن / 17
المهنة/ طالب فى ثانوى عام
البلد / مقيم بالجيزة بس من اسوان
موقف حصلى/ شالل معظم اساتذة الجيزة
هل بحب / ربنا يسهل بعد ما ازهق من العزوبية
كلمة لكل الناس/ لا تقول كل ما تعرف ولكن اعرف كل ما تقول
اصحابى القريبين / اصدقاء الدراسة وبعض اصدقاء الشات
دعوة بحبها / روح يبنى ربنا يسامحك
اصلى بسمعها كتير من اهلى او من المدرسيين اللى بنخنقهم ( فى حدود الادب )
امنية بتمناها / ان ربنا يجعل فى امل والدى وان احقق املى
تقييمى للمنتدى / منتدى رائع استطيع فيه قول كل شئ فى نفسى

تشرفنا يا هشام واهلا بيك
بين اخوانك واخواتك
ونتمنالك قضاء اجمل واسعد الاوقات

كل الناس اللي مش معرفه نفسها تتفضل تعرفنا بيهاااا

تحياتي للجميع بقضاء اسعد الاوقات

الاسم/ احمد البدري
السن / 23
المهنة/ rabbit

ربنا يبعت

البلد / حلوان
موقف حصلى/ عادي الحياة مواقف
هل بحب / يعني حب من طرف تالت انا بحبها وهي بتحب واحد وهو بيحبها وانا بروح اقعد معاهم
كلمة لكل الناس/ مدام معاك الادب كل البلاد بلدك
اصحابى القريبين / ولاد حتتنا
دعوة بحبها / روح يبنى قلبي وربي راضيين عليك
امنية بتمناها / العفووو والعافيه في الحياة والاخرة
تقييمى للمنتدى / ممتاز

الاسم/ ايمان او ايمي
السن / 20
المهنة/ مخلصه تربيه واهو شغاله في مكتبه
البلد / مصر 6 أكتوبر
موقف حصلى/ معاكسه في الشغل 5، 6 مرات وسابع مره بشتم لقيته صاحب المكتبه
هل بحب / لا لسه مفيش نصيب
كلمة لكل الناس/ حاسب نفسك في كل كلمه
اصحابى القريبين / الدراسه
دعوة بحبها / ربنا يكفيكي شر ولاد الحرام
امنية بتمناها /ربنا يباك فيا وفي اهلي ويكفينا شرور انفسنا
تقييمى للمنتدى / منتدى جميل

تشرفنا يا احمد
تشرفنا يا ايمي
اهلا بيكم

[size=18]
احم احم احم احم انا اول مرة هنا فا ياريت مش اكون مضايقكو :) نبداء
بسم الله الرحمن الرحيم
الاسم : احمد
السن :20
بحب في قصة حب : :)) كنت بس مش كملت
البلد : القاهرة
الطول : شوية وكتير 187 بس :)
فصيلة الدم : رحم طحن :)
موقف حصلي : بس اشد موقف كنت ماشي معا واحد صاحبي وهوا وقف جمب محل بيشتري حاجة وانا واقف جمبو في واحدة معدية بعاكسها وبقول لصاحبي ديه امورة اوى لاقيتها راحت جاية علينا بقولو اجري اجري هاتيجي تضربنا وهوا ميت من الضحك وفي الاخر طلعت خطيبته

ههههههههههههههههههههه

جميل اوي الموقف ده يا احمد تعيش وتاخد غيره

طبعا تشرفنا بيك يا احمد باشا
نورت المنتدي بوجودك

وربنا يديم علينا الصداقه والمحبه يا رب

اهلا بيك صاحب منتدي مش ضيف
لاني معنديش ضيوف كلنا هنا صحاب مكان

الاسم /محمد محمود

السن / كلها كام شهر ونكمل 25

الطول / 170

البلد
اسكندريه ( حاليا مقيم فى سوهاج )

هل بحب فى قصه حب
??????????

اصحابى القريبين
اصدقاء العمل وجيرانى

كلمه لكل الناس
لا تندم على حب عشته حتى لو صار ذكرى تؤلمك

دعوة بحبها
اللهم ارزقنى حبك

امنيه بتمناها
راحه البال دايما

--> تقييمك للمنتدي :-

برتاح فيه وبستفاد منه

اسف بس بجد والله مشفتش الموضوع

فكره هايله يا حسام لسه شيفاها دلوقتي وهشترك معاكم ههههههههههههههه كل الاعضاء تتفضل هناااااا وبالذات الجديد 301476

الاسم....منه محمد

السن ...كلها كام يوم وهكمل العشرين عقبال عندكم هههه

المهنة....فى 3 كلية تربية عين شمس قسم كيمياء

>البلد.....القاهرة

موقف حصلى... كنت في الحج مع بابا وماما وانا في ثانوي وكنا بنعمل عمره وكنا تعبانين موت علشان زحمه اوي فقعدنا علشان نصلي الظهر وملقيناش مكان قعدنا جمب سوري علب الزباله بعد ما خلصنا صلاه مستنين انا وماما بابا علشان يجي فواحد معدي مش عارف يعدي علشان مفيش مكان وماما جايه تقوم راح واقع عليا كله روح زقاه وشتمته ههههههه سعتها ماما فضلت تضحك موت عليا قالتلي انتي واحده جيا تحجي ولا تشتمي في خلق الله

هل بحب فى قصة حب...... لا مفيش فى حياتى قصة حب وحيده

اصحابى القريبين.....اصحابي في الكليه وخاصه رونا اللي معانا في المنتدي

كلمة لكل الناس.... يارب كل واحد يحقق امنياتة واحلامة الى بتمناها

دعوة بحبها..... يارب احسن ختامي
تقيمك للمنتدى..... روعه بجد وبحبه مووووت
امنية بتمناها.....ان ربنا يوفقنى فى حياتى واحقق كل احلامى

امين يا منه ربنا يكرمك واشوفك عسكري قد الدنيا

ههههههههههههههههههههههههه ماشي يا حسام عسكري برده مقبوله منك ميرسي يا جميل

تشرفنـا بالجميــع
الاســم / رضا عطية
السـن / 23
الطـول / 179
البلد / المنصـورة -(الاصـل مغربى)
س1 :- هل بتحب او فى قصـة حب .؟
اكيد عندما نحب
نمنح بلا حدود و نحلم بلا حدود و نشتاق بلا حدود
س2 :- اصحابى القريبين .؟
اتنين انتيم (احمد - وعادل)
س3 ؛- كلمة لكل النـاس .؟
من السهل أن تحب الناس ولكن من الصعب أن تجبر الناس على حبك
س4 :- دعوة بحبها.؟
"اللهم اني اسألك الأنس بقربك"

قال ابن عثيمين "رحمه الله" يتحقق للمؤمن بهذا الدعاء اربع:

عزمن غيرعشيرة..
وعلم من غير طلب..
غنى من غيرمال..
وانس من غير جماعة..
س5 :- امنيــة بتمناها.؟
لا مش بتمنى امنيـة بتمنا بنوته تانية(..)
الهدايا،القرب من الرحمن
س6 :- تقيمك للمنتدى.؟
( ممتاز-(تقدم للامام)-)

والنعم يا حج رضااااا بس انتا قديم اوي
ده انتا عليك تراب يا راجل
يعني اقولك تشرفنا ما تشرفنا من زمان
ع العموم منور يا كبير واهلا بيك

علي فكره رضاا يا جدعان من اعز اصحابي
فكلهم رحلوووا وبقياا ربنا ما يحرمنا منه
اينعم هو مش ذكرني في الاسامي اللي قالها عادي هو واطي حبتين

» رنيم تتفضل علي كرسي الاعتراف
» *** انا افضل الاعضاء ***
» لكل الاعضاء ليه اخترت اسمك
» السادة الاعضاء الافاضل
» اخفاء العناصر حتي عن الاعضاء