لو عايز يكون عندك ثقه بنفسك كبيره ادخل هنا كلام مفيد ومهم كتير لا تضيع هذ ه المعلومات

الجزءالأول واثق من نفسك؟؟؟؟



هل ساعات بتحس إنك أقل كفاءة من شخص معين؟



هل ده بيديك نقص في الثقة؟؟



هل جربت الإحساس ده فعلا؟؟



هل عندك ثقة تامة في ذاتك؟ولاّ ساعات الثقة دي بتخونك؟



بيحصل ساعات مش كده؟



تعالوا نعرف القصة من أولها…



الثقة..



الثقة في النفس مش ثابته وغالبا بتتأثر بالظروف اللي حوالينا … يعني مثلا صحيت من النوم لاقيت الجو كويس ولاقيت تقدير من (والديك- شريك حياتك- جيرانك…) ولاقيت الناس كلها مبتسمة في وشك.. أكيد هتشعر بالثقة وإنت نازل من بيتكم.. صح؟ لأنك هتحس إن لك دورمهم في حياة الناس دي…




لكن لو نزلت لاقيت واحد طرطش مية من الدور السابع وإنت ماشي في الشارع.. هيكون إحساسك إيه؟ هل ثقتك هتفضل زي ما هي؟؟



أحمد" كان متعود يروح النادي كل يوم يلعب اسكواش.. وكان بيغلب كل منافسيه وكان ده مصدر فخره.. لكن في يوم حصلت له إصابة والدكتور نصحه انه مش يمارس الرياضة دي تاني.. هل لما يقابل الناس اللي كانوا بينافسوه فى الاسكواش, هل هيتعامل معاهم بثقة زي الأول؟





كيف تزيد الثقة في ذاتك؟؟؟؟؟




أولا لازم نعرف إن الثقة دي مش ثابتة زي ما قلنا.. يعني الطبيعي إن ثقتك النهارده مش زي بكره مش زي بعده.. المعدل بيطلع وينزل.. ده الشيء الطبيعي.. اللي احنا بنعمله هو إن الثقة دي تبقى مرتفعة طول الوقت.. ممكن تنخفض شوية.. ساعتها تنفذ الخطوات اللي هنقول عليها دي…




خطوات زيادةالثقة..


1- ابحث عن نقاط القوة..

فيه حاجة ظريفة جدا مخنا بيعملها ...
لو فيه حاجة إنت متفوق فيها, غالبا بتحس إنها شيء عادي وبديهي بالنسبة ليك.. وإن أي حد ممكن يعملها.. فممكن ماتحسش إنها نقاط قوة عندك اساسا
"حسام".. كان متعود يكتب قصص ساخرة فى المدرسه وكان مستوى القصص دي رائع في رأي صديق له..
مرت الأيام وبقي صديقه رئيس قسم في جريدة مشهورة وبقي مسئول عن خريطة النشر..ولما اتصل بيه وطلب منه يكتب قصص علشان تنشر في القسم …
عارفين عمل إيه؟
رفض!!
قال إنه مش موهوب قوي وإنه مايستاهلش ينشر في جريدة كبيرة زي دي.. وقال إن دي فرصة أكبرمنه!!
طبعا فضل صديقه يزن على دماغه ويتبع إستراتيجيات التفاوض واقتنع فى النهايه ....
ونشرت له أول قصة ..
عارفين كانت إيه النتيجة؟
لما راح حسام الجريدة بعدها لقى الجميع معجبين بقصته وأسلوبه. وسمع كلام الناس عن أعماله…
أكيد متخيل الثقة اللي هو كان حاسس بيها… صح؟

طب أنا عايزة أقول إيه؟





اللي عايزة أقوله هو إنك لازم تبحث عن نقاط القوة اللي عندك.. ممكن تكون نقاط القوة دي حاجات إنت حاسس إنها عادية وإن ممكن أي حد يعملها..



لو فيهنقاط قوة إنت عارفها أصلا.. ابحث عن غيرها.. ابحث عن الحاجات اللي إنت بتعملها عادي جدا وممكن ناس كتير حواليك مش عارفين يعملوها.. اعرفها مهما كانت بسيطة…




اكتبها واقراها بتمعن.. عملية كتابتك ليها بترسخ المعتقدات دي في ذهنك أكتر..



اكتب نقاط قوتك في ورقة دلوقتى .. خذ وقتك وفكر.. ثم اكتب هذه الأشياء مهما كانت صغيرة في نظرك.. هل تنشرالبهجة في قلوب الأصدقاء؟ هل تحب مساعدة الآخرين؟ ما هوايتك؟؟ ماذا تجيد؟؟ بماذا تتميز؟؟



اكتب كل هذه النقاط لأنها ستساعد على إكسابك الثقة والقوة..




نقاط تميزي هياكتبها دلوقتى )


.............................




بعدما عرفت نقاط القوة اللي عندك, ركز انتباهك عليها.. خليها دايما في بالك وإنت بتتعامل مع أي حد أو في أي موقف في حياتك.. لما تركز في النقاط دي هتلغي نقاط الضعفا للي عندك…




لو "محمد علي كلاي" ركز على إنه مش عبقري زي "أينشتاين" كان أصابه الاكتئاب!! لكنه ركز على نقطة قوته واللي خلته يتفوقفي مجاله.. لاحظ إن كلمته الشهيرة كانت: "I’m the greatest" !



مفيش حد كامل في الدنيا دي.. اللي عنده فلوس ممكن يكون ناقصه شخصية جذابة.. ممكن واحد عنده قصر يزعل إنه ماعندوش جزيرة.. واللي عنده جزيرة يزعل إنهما مش اتنين.. واللي عنده جزيرتين ممكن يزعل عشان ماعندوش سلطة مثلا زي الملك الفلاني... لو الناجحين بيفكروا كده ماكانوش اتقدموا خطوة...



ركز في اللي عندكوخليك مؤمن بيه وبقوته.. هيوصلك للثقة التامة في النفس..



لكن لو ركزت على نقاط ضعفك ده هيكون الحاجة اللي بتشدك لورا وتعيق تقدمك.. وتدمر ثقتك فينفسك..



الاختيار في إيدك إنت!



نقاط تميزك هي نقاط قوتك اقراهم بتمعن..



حطها في محفظتك -في درجك– في شنطتك أو علقها في غرفتك..



وجود النقاط دي أمامك وقراءتها بترسخ المعتقدات دي في ذهنك أكتر..





2- ركز في نقاط القوة..

فيه قانون في العقل الباطن اسمه(قانون التركيز)...
القانون ده بيخليك لو ركزت على حاجة هتغطي على الحاجات التانية وهتنمو وتزيد…

اوصف شخص إنت بتكرهه.. اكتب صفاته هنا:
......................................
إيه اللي حصل هنا؟ ؟؟؟؟؟؟؟؟
إنت بتكرهالشخص ده فمركز على الجوانب السيئة اللي فيه.. في حين إن أكيد فيه جوانب كويسة.. أكيد يعني.. عمره ما جامل حد؟؟ عمره ما ابتسم في حياته؟؟ عمره ما ساعد حد فيحياته؟؟ أكيد عمل حاجات كويسة إنت عارفها بس الحاجات دي مش جاية على بالك لأن (قانون التركيز) خلاك تركز على الجوانب السلبية بس..






الكلام عن الثقة بالنفس ما انتهاش لسه في كلام كتيررررررر مهم أوى ولكن هذا الى قدرت ان اقوله ولكن اذا قدرت على كلام اكتر بكتبه ليكم ان شاء الله موضوع يفيدكم ويعجبكم كتير

تسلم ايدكيا قمر موضوعك فوق الرائع
واهم حاجة تكون عند الواحد الثقة بالنفس
لانها اهم حاجة وهى اللى بتقوى الواحد على اى حاجة

تسلمى نور شكرا على مجملتك الرقيقه دى الثقه بالنفس اهم حاجه علشان الواحد يعرف يعيش ويارب اكون بعمل موضاعات تعجبكم واتمنى تستفيدوا منها يشرفنى تبقى اخت ليا نور

ربنا يخليكى حبيبتى الشرف ليا انا اكيد احنا كلنا اخوات هنا ربنا يسعدك ويعينك يارب وانتى كتير موضاعاتك هايله ومميزه وجميله زيك

ربنا يخليكى يارب وانتى كمان موضوعاتك جميله ده من ذوقك يا قمر تسلمى على ردك