قول اللى فى نفسك!!!

طبعا يا جيجي وبجد ربنا يصبرك سنه الحياة ومحد بأيده اي حاجه محدش بقدر يرجع واحد غالي اوي عليه ودي حكمه ربنا ودائره بتدور علي كل البشر و صدقيني لو في حاجه نقدر نعملها ما كان في شيئ اسمه فراق بقولك كده متفتكريش اني قوي وكده لا انا كنت علقت علي موضوع تبع امير ممكن تكوني قرأتيه ووفاة اختي الصغير عارفه يا جهاد لما اخوكي الصغير يصحيكي من النوم ويفضل يتنطط قدامك براءه مع شقاوه مع خفة دم كل ده كان فيها تضحك وتلعب وتتشاقى صحيت طبعا من النوم وهي اللي صحتني قمت لعبت معاها شويه وبعدين دخلت لبست وجهزت علشان اروح مدرستي فجأة لقتها لابسه وبتقولي انا هروح معاك يا بنتي تروحي فين انتي لسه لما تكبري هتروحي تقولي لا انا كبرت حضنتها يا جهاد حضن كأن قلبي كان حاسس حاولت افهمها رافضه اي تفاهم هروح يعني هروح ناديت امي وقولتلها فضلت تضحك ما لقيتش حل غير اني احبسها قفلت عليها الغرفه ومشيت ويارتني ما مشيت من غيرها قاعد في الفصل بفكر ياترى هتعمل ايه لما أروح عدي النهار بس من أوله كان قلبي مقبوض وصلت عن البيت منتظر اللي مستنياني بالعصايه مفيش حد استغربت يا تري ايه اللي شغلها عني دخلت البيت لقيت ستات الدنيا وكله لابس اسود في اسود وأمي عينها عليا من بعيد حسيت الدنيا لفت بيا من غير معرف في ايه قربت من أمي بقولها في ايه وفين اميره لقتها فتحت في العياط حسيت بأختي صوتها اللي كان يضوي في البيت مفيش أغمي عليا بعد ما فقت لقيت بنت عمي الكبيره بتصرخ في وشي اميره ماتت يا حسام أختك اميره غرقت في الترعه يا حسام أحتك ماتت اختك ضاعت اختك غرقت كلام مش حاسه ولا عايز احسه ولا عايز اصدقه كل اللي مصدقه انه ده كبوس ولازم اصحي منه لكن مفيش فايده لقيت نفسي عمال بتهته عايز اقول متكفنه فين بس لا لسان ولا قلبي مطاوعني انطق كلمه كفن فضلت ازحف علشان اوصل لكفنها وبقيت عايز طلعها من الكفن قومي يا أميره هاخدك معايه بكره قومي يا اميره علشان خاطر انا ،انا اشد فيها والناس تشد فيا احضنها وابوس فيها اقف واقع ويغمي عليا وافوق بس كل ده ولا له لازمه خلاص خلصت عارفه يعني ايه اليوم ده وعدى ازاي السينيما كانت عندي في زهني بتعرض فلم مر وعذاب وكل شيئ وحش تتخليه اختي كانت معايه الصبح ترجعي يقلولي غرقت ماتت ده كله وانا مش مصدق ولا عايز اصدق لحد دلوقتي واختي الكبيره خلفت بنت اتصلت عليا اسميها ايه قولت أمير قالت لسه فاكر قولت ولا عمري هنسها وانا لو ليا عمر هسمي اميره يمكن تطلع وحده من دول تنسيني اللي راحت وخدت روحي معاها .


موضوع مؤلم جدا يا جهاد بس صدقيني ارتحت

تحياتي