كنت نايم وصحيت مكتوبة

كنت نايم وصحيت

أمبارح كانت في حضني ؛؛ كان عودها مفرود وشعرها على خدودها سارح بياضها غلب نور الشمس في عز النهار ؛؛ حطت أيدها على خدودي نبضات قلبي ذادت لما كانت هتخلع صدري ؛؛ وشوشتها قولتلها اهدي ؛؛ شفت في عيونها شوق ولهفة وحنين ؛؛ عيونها كانت كلها حنية مع إن رموشها دباحين ؛؛ بمجرت ما بصين فيهم نست أنا مين ؛؛

قربت مني همست في ودني بحبك ؛؛ عملت مش سامع شاورت بصباعي عادتها من تاني ؛؛ قالت بحبك بصوت جميل رجع فيا روحي من تاني عيونها كل نظرة من نظراتها كانت بتقلب كل كياني ؛؛ قربت منها وقولتها وأنا كمان بحبك قالت أيه ؛؛ قولتلها بحبك ومن قبل ما أشوفك وأنتي سكناني ؛؛ يمكن أكون قابلتك في زمان غير الزمان في عالم تاني ؛؛ أو يمكن شفتك في أحلامي

عيونها جات في عيوني وسكتنا ؛؛ وأجل لحظات في العمر خدتنا ؛؛ وفي ساعة جنون نسينا كل الكون ؛؛ سرقنا الوقت بصت لضي النهار اللي شع من عتبه الباب وقالتلي أنا لأزم أمشي لأني تأخرت ؛؛ ترجيتها تستنا قربت مني وبصت في عيوني وابتسمت ابتسامه ذادت جنوني وقالت مقدرش ؛؛ لقنا وفراقنا بأيد القدر والقدر مكتوب والمكتوب مبيتغيرش ؛؛ والزمن حرامي بيسرق أجمل اللحظات ولا يرحمش كريم في الشقي وبس لكنه في الفرح أناني ؛؛ ومهما جمعنا هيفرقنا تاني ولابد من الفراق ؛؛

رديت والحزن مالي صوتي يعني مش هشوفك تاني .؟ ؛؛ قالت كل ما تشتاق غمض عيونك هتلقاني ؛؛ صورتي هتفضل في عيونك لا أنا هنساك ولا أنتا هتقدر تنساني ؛؛ حاولت أتكلم خاني صوتي ؛؛ لقتني مبحوس بين عجزي وسكوتي مقدرتش امنع دموعي فبكيت وعلى نهنهة صوتي صحيت ؛؛ اتاريني كنت نايم وأنا والله ما حسيت ؛؛

بس دمعي في عيوني وحساس في صدري بدفها ؛؛ وريحة عرقها في أحضاني ؛؛ يعني كانت هنا من ثواني ؛؛ سألت عنها كل شبر وكل ركن في البيت ؛؛ ردوا عليا بصوت واحد فوق يا مسكين أنتا كنت نايم وصحيت ؛؛ حسيت بصدمة والحزن ملاني ورغم الدمع اللي في عيوني ضحكت ورجعت بكيت ؛؛

من ساعتها لحد ما من النهار لم عزاله وروح ورجع الليل ذي سكران بيتطوح ؛؛ وأنا أيد تصفق على أيد عمال أقول وأعيد أنا كنت نايم وصحيت أنا كنت نايم وصحيت صرخت بأعلى صوت لميت كل الناس قولتلهم حبيبتي كانت هنا مع إني مشفتهاش من مليون سنه ؛؛ قالتلي لو اشتقتلي غمض عيونك وهتلاقني ؛؛ انتم مش هتشوفوها ولا هتصدقوني ولكنها أكيد سمعاني ؛؛ أنا عايز أقولها مهما فرقنا القدر هتفضلي في قلبي بين ضلوعي وكل كياني ؛؛ وإن كان القدر بيتحكم في فراقنا ولقانا ؛؛ مش هيقدر يتحكم في قوبلنا في حبنا وهوانا ؛؛

لو فرقنا هيفضل الحب أملنا ولو متنا هنموت وبرده الحب جوانا ؛؛ هتقولوا عليا مجنون يمكن مش عارف ؛؛ بس هو ده اللي أنا منه خايف ؛؛ خايف يكون عقلي راح مع اللي راحت كانت ذي شمعة نورت حياتي وعشان خاطري أتحرقت وساحت ؛؛ فضلت أنادي وأهاتي لحد ما تعبت وأتهديت ؛؛ و بكاي مش هيرجع اللي راحت مهما بكيت ؛؛ لأنه الظاهر ذي ما قالوا كنت نايم وصحيت كنت نايم وصحيت ؛؛؛؛؛؛؛؛؛

كنت نايم وصحيت

وربنا ما لكـ حل يا حساااام
احساس وكلمات اكتر من رائعة
دة مش ممكن يكون مجرد حلم انت حلمتة او مجرد حلم
انت بتتمنى تحلم بيه
انا عشت الحكاية
لو قولت دة حلم يبقى يا رب ما تصحى منة ابدا
ولو مجرد حلم انت بتتمنى تحلمة يبقى يا رب تحلمة
فعلا احساس وكلمات اكتر من خيال
انت عارف كتير اوى الواحد بيتمنى حاجة معينه
وبيتمنى من ربنا انة يعمض عيونة يلقاها فى منامة
احساس _ كلمات _ مشاعر _
فوق الخيال اللى مستحيل انة يتوصف
او يترجم على الصفحات
باى كلمة لان اى كلمة هتتكتب مش كفاية عليكـ من تقدير
سلم الايادى اللى كتبت
ويسلم احساسكـ
وفى انتظار جديدكـ
يا اكبر جنراااااااااااااال

يسلموووووووووو يا نور
ده بس من ذوقك

نورتي

» قصيدة كنت نايم وصحيت يوتيوب
» قصيدة كنت نايم وصحيت فلاش جديد
» قصيدة كــنت نايم وصحيت " فلاش "
» قصيدة قرم وفقير مكتوبة
» قصائد مكتوبة للشاعر الجميل حامد زيد