ولـد رخـم اووووى ....بس يا ترى رخم ليه ؟؟... ادخل وشوف بنفسك

هي : عطشانة

هو : وأنا كمان

هي : يعنى ... عايزة اشرب

هو : أكيد مادام عطشانة يبقى عايزة تشربي

هي : المفروض بما أن عندك إحساس يعنى إني لما أقولك عطشانة تجيب ليا حاجة ساقعة

هو : ومين اللي هيحاسب ؟؟

هي : أنت طبعاً

هو : منين ياحسرة .. ماانتى عارفة الكانز وغطاه

هي : ماقلتش عايزة كانز .. كفاية إزازة صاروخ

هو : طب لو هاتجيبى اعزمينى معاكى .

هي : يابنى أنت مابتحسش ، وبعدين بقالنا 3 ساعات ماشيين ، أنت مش ناوي تقعدنا ولا إيه؟

هو : عندك الكورنيش كله .. اختاري الرصيف اللي يعجبك

هي : قصدي تعزمنى في مكان شاعري

هو : في الحر ده .. ماينفعش

هي : بلاش دى .. نأخد مركب عالكورنيش

هو : المراكب بتغرق اليومين دول .. خلينا ع البر أحسن

هي : بلاش المركب تعالى نأكل ترمس .. أظن ده رخيص

هو : إنتى تضمني منين إن الراجل غاسل إيده وغاسل الترمس

هي : أعوذ بالله .. إنت مقفلها كده ليه ؟؟

هو : بصراحة معييش فلوس

هي : يا سلام!! .. ماأنت كان معاك إمبارح

هو : إمبارح دخلت السينما مع بنت حلوة كده فالفلوس خلصت

هي : بنت حلوه ؟؟!! وبتقولها في وشى

هو : أكذب عليكى يعنى

هي : لأ تحرق دمى أحسن

هو : أنا مش شامم ريحه شياط يعني

هي : ياساتر علي البرود

هو : برود إيه ؟؟ ماهو الجو مولع أهو

هي : إنت اللي بارد

هو : بارد إزاى ؟؟ دا أنا بشُر عرق

هي : بقولك إيه .. روحنى

هو : أروحك ؟! هو إنتى ماتعرفيش تروحي لوحدك

هي : آآآآه .. طب أنا ماشية

هو : ليه يا حبيبتي؟؟

هي : حبك برص

هو : والله البرص بيفهم عشان حبني

هي : بجد كده كتير

هو : كتير إيه ؟؟

هي : إرحمنى .. واضح إن الحر بيجى معاك بالعكس .. يا بارد

هو : يعنى مصممة تمشى ؟؟

هي : أيوة وحالاً كمان

هو : طب استني لما نوصل آخر الشارع

هي : اشمعنى ؟؟

هو : أصل أنا ساكن هناك .. و مايرضكيش أروح لوحدى

هي : لااااااااااااااااااااااا

هو : ينفع كده ترمي نفسك في الميه مين هايوصلني بقى.

هههههههههههههههههههههههههههههههههههههههههههههههههه رخم اخر حاجه يالهوي علي البرود
تسلم ايدك يا اشرف

هههههههههههههههههههههههههههههه
ده مش انا اكيد يعنى اوعى تفهمينى صح
هههههههههههههههههههههههههههههه
شكراااا على ردك واهتمامك يا قمر

ههههههههه ماهو الراجل كويس فين الرخامه هما اصلا يستاهلوا المعامله دى

ههههههههه تسلم ايادى

هههههههههههههههههههههههههههههههههههه
يعنى انت شايف كده
مع ان البنات دى اجمل حاجه فى الدنيا
ويسلام بقا لو قلبت عليك
هههههههههههههههههههههههههههههههههههه
بلاش نتكلم ليكون حد سامعنا :))

هههههههههههههههههه
دة رخم فحت ردم
اية دة ال قاعدنى فى مكان يقول الرصيف ادامك اختارى
هههههههههههههههههههههه
لا والله عثل بجد
ينقل للقسم الخاص به