رقم العضوية : ( 1 ) تاريخ الميلاد : 15/12/1984عدد الرسائل : 5354الموقع : ( الكويت )العمر : 39تاريخ التسجيل : 07/08/2008
موضوع: في غيابك يا غايب جديدة لنج الأربعاء نوفمبر 24, 2010 10:46 am
في غيابك يا غايب
في غيابك يا غايب عن عيني دايب ،، منثور في كل حته وكل جزء مني بمكان ،، بدور عليا أنا وأنا ومالي أمل في الدنيا غير إني القيني ،، بس الظاهر أنه خلاص فات الأوان ،،،
في غيابك يا غايب
بدور عليا أنا،، اللي غايب عني من كام سنة ومش لاقيني ،، نفسي عيوني تتلاقى وإيديا تلمس أيديني ،، واحشني ومش لاقيني نفسي .. نفسي ارجع مثل ما كنت ،، ألقيني وقت ما أحن لي ،، ووقت ما أحن لي ألقيني ،،
في غيابك يا غايب
بدور عليا في كل مكان ،، في أي وقت وفي كل زمان ،، قلبي نازف ندم وعلي خدودي دموع عيني ،، نفسي أخد كرامتي وعزه نفسي في أحضاني ،، وأقولها أنتي فين وحشتيني ،،
في غيابك يا غايب
بـ أصرخ بعلو صوتي أنا أسف أنا غلطان وأنا مش معصوم من الخطأ لأني إنسان ولكن بـ أعترف إني أنا اللي كنت واقف بين سعادتي وراحة بالي ،، ايوه أنا جنيت علي قلب طيب وإنسان غالي ،، عشان ناس ... ماتسواش ،،
في غيابك يا غايب
حرمت نفسي من ابسط حقوقي ،، صبيت لنفسي كاسات المر وقولتلها دوقي ،، ايوه أنا اللي بغباء مني جنيت عليا ،، ومحدش غصبني لا لا لا لا بكيفي ،، بخٌطري أنا اللي روحت برجليا،،
في غيابك يا غايب
عامل طبيب الناس ومش عارف دوايا ،، دائما جي متأخر وابتدي مع نهاية الحكاية ،، ابكي لحالي لا عدو ولا حبيب يبكي معايه ،، محدش حاسس اللي فيني ،، ولا غير أيدي تمسح دموع عيني ،،،
في غيابك يا غايب
بأكابر وجواي مكسور ،، قلبي غرقان في دمه والدمع بعيوني بحور ،، كنت فاكر قلبي صلب صخر ،، لكن للأسف طلع بلور ،، طوبه تكسرني ،، بيت مبني من رمل وموجه تافهة تهدني تدمرني ،،
في غيابك يا غايب
عايش في دنيتي غريب ،، في دنيا لا نافع فيها عدو ولا حبيب ،، غريب وتائه بلف حوالين نفسي داير ميدور ،، فريسة سهله بزمن مسعور ،، كله بياكل في كله ،، يسأله عن سكة السلامة يخدعه و على طريق الندامة يدله ،،.
يضحك في نفسه ويقوله سلام يا صاحبي ده مش زمنك ،، إحنا في زمن " خون اللي يأمنك " ،، متلومنيش روح لوم زمنك ،، اللي قلل قيمتك ورخص تمنك ،، فوقوا بقي احنا في زمن مفهوش يامه ارحميني ،، كان نفسي اخدمك لكن علي عيني ،، وانتهي في نفس نقطة البداية ،، غريب وحيد واقف لوحدي محدش معايه في زمن الطف يا لطيف ،،،،
رنيم مشرفة قسم الصور
رقم العضوية : 276 تاريخ الميلاد : 15/07/1990عدد الرسائل : 1537العمر : 33تاريخ التسجيل : 30/03/2010
موضوع: رد: في غيابك يا غايب جديدة لنج الخميس نوفمبر 25, 2010 9:15 am
جميلة اوىىىىىىىى يا حسام تسلم الايادى يا مبدع
حسام الشاعر
الشاعر حسام ابو الحسن
رقم العضوية : ( 1 ) تاريخ الميلاد : 15/12/1984عدد الرسائل : 5354الموقع : ( الكويت )العمر : 39تاريخ التسجيل : 07/08/2008
موضوع: رد: في غيابك يا غايب جديدة لنج الخميس نوفمبر 25, 2010 10:26 am
يسلمووو رنوم نورتي القصيده يا قمر ايه رايك في البؤس ده هههههههه تحياتي
THE HERO مشرف قسم الإسلاميات
رقم العضوية : 10 تاريخ الميلاد : 19/07/1993عدد الرسائل : 1820الموقع : مصر فى قلب النيلالعمر : 30تاريخ التسجيل : 07/08/2010
موضوع: رد: في غيابك يا غايب جديدة لنج الخميس نوفمبر 25, 2010 10:31 am
تسلم ايدك يا معلم
حسام الشاعر
الشاعر حسام ابو الحسن
رقم العضوية : ( 1 ) تاريخ الميلاد : 15/12/1984عدد الرسائل : 5354الموقع : ( الكويت )العمر : 39تاريخ التسجيل : 07/08/2008
موضوع: رد: في غيابك يا غايب جديدة لنج الخميس نوفمبر 25, 2010 10:46 am
نورت يا ريس الحمد لله ع السلامة
هدية الرحمن عضو جديد
رقم العضوية : 315 تاريخ الميلاد : 01/01/1979عدد الرسائل : 1العمر : 45تاريخ التسجيل : 24/05/2010
موضوع: رد: في غيابك يا غايب جديدة لنج الجمعة نوفمبر 26, 2010 3:18 pm
يعنى مش اوى اللى فات اجمل
حسام الشاعر
الشاعر حسام ابو الحسن
رقم العضوية : ( 1 ) تاريخ الميلاد : 15/12/1984عدد الرسائل : 5354الموقع : ( الكويت )العمر : 39تاريخ التسجيل : 07/08/2008
موضوع: رد: في غيابك يا غايب جديدة لنج الجمعة نوفمبر 26, 2010 4:23 pm
ههههههههههههههههههه طيب ايه رايك دي احلي اللي خلتك نطقتي وكتبتي كلمه ههههههه نورتي يا هديه
أميرة القلب
نائب المدير
رقم العضوية : 2 تاريخ الميلاد : 27/11/1986عدد الرسائل : 2344الموقع : أم الدنيا مصر جنب النيل بشويهالعمر : 37تاريخ التسجيل : 07/08/2008
موضوع: رد: في غيابك يا غايب جديدة لنج الأحد نوفمبر 28, 2010 11:49 am
مش جديد عليك التألق والبؤس ده يا حسام دمت مبدعا
حسام الشاعر
الشاعر حسام ابو الحسن
رقم العضوية : ( 1 ) تاريخ الميلاد : 15/12/1984عدد الرسائل : 5354الموقع : ( الكويت )العمر : 39تاريخ التسجيل : 07/08/2008
موضوع: رد: في غيابك يا غايب جديدة لنج الأحد نوفمبر 28, 2010 12:56 pm