لما تلاقى العريس بيبخر العروس عشان الحسد احسن تتكسر ولا حاجه وتلاقى العروسه بتبخر العريس احسن دا واخد عليها كمبيالات وشيكات عشان قطع الغيار الغير متوفره وممكن يواديها فى داهيه
لما تلاقى بقا الستات بتمارس احسن هوايه ليها على مر التاريخ وهى النميمه ويقعدوا بقا يقولوا: انا عارفه يا ختى اخدها على ايه دا لا مال ولا جمال والتانيه تقولها : والله يا ختى من ناحيه الجمال فهى شبه الليفه المحروقه لكن من ناحيه المال لا دا الواد وقع واقف اه دا ابوها عنده عربيه كارو اقصد (ماقطوره )بتدخلوا شىء وشويات
وتلاقى البنات بقا واقفه اللى تقول: ايه دا فستانها بيئه اوى ايا والتانيه تقولها: اكيد مأجراه من عند الكوافير اللى عملها التسريح اللى شبه تسريحه المجانين دى
لما تلاقي قرايب العريس مش عاجبهم قرايب العروسه و العكس صحيح طبعا و بيبصوا لبعض بإشمئزاز
لما اول حجه تسمعها اول ما تدخل القاعه وقبل ما تشوف العروسه والعريس اغنيه هشام عباس (اسماء الله الحسنى)
لما تلاقى بتاع الكاميرا بيزوووم على الشبكه كانها مثلا قلاده الملكه اليزابيث الخامسه والعشرين وتلاقى كل المعازيم هايماوتوا بعض وينطوا فوق بعض عشان يتفرجوا عليها
لما العريس والعروسه يرقصوا الرقصه الرومانسيه الازليه على اغنيه(غمض عينيك واحلم معايا) او اغنيه تامر حسنى(ومايحرمنيش منك) وكل البشر بيصوروهم بكاميرا الموبايل وهما بيقولوا لبعض (ياترى بيقولها ايه)
لما تلقى الاغنيه الرومانسيه اتقطعت فجأه كانهم بيقولولهم انجزوا ويروحوا مشغلين اغنيه السهره(هاتجوز) لـ سعد الصغير وبعدها العنب لمعبود الجماهير (بعرورر)
لما تلاقى ام العريس كل نص ساعه وتمسح عرق ابنها وتقوله (يا بنى كفايه مش كده ...ماتهدش نفسك)
لما تسمع السؤال الابدي (هو البوفيه هايفتح امتى...الواحد جاع)
لما يتعرض الفيلم التسجيلى البوفيه وكل ما يحتويه من لحمه وفراخ وديك رومى وكشك وسد الحنك
لما تسمع الناس وهيه بتقول لالالا بس الاكل مكانش قد كده بعد تناول الطعام مباشره وعلى راى المثل (بعد ماكل واتكى قال رحته مستكه)
لما تلاقي كل البنات الي ف الفرح بيجروا ورا العروسه عشان طبعا ياخدوا البوكيه لما تحدفه و العروسه بقى بتزلهم
لما تلاقى ام العروسه بتقول للعريس خد بالك منها يا حبيبي والعريس يقولها دى فى عينى يا طنط
لما تلاقي العربيه بتاعه العروسه فيها جميع انواع والوان الورد و دلوقتي الموضه الجديده بقى البيبي لايت
لما تلاقى الزفه انطلقت فى الشوارع مسببه الازعاج لخلق الله وبيب بيب بيب بيب بيب بيب بيب بيب بيب بيب والعربيات بتجرى ورا بعضها والموتوسكلات
تعرف على طول ان الفرح ده فرح شاب مصرى
نور مشرفة قسم المنتدي العام
رقم العضوية : 22 تاريخ الميلاد : 05/12/1989عدد الرسائل : 6233العمر : 34تاريخ التسجيل : 27/01/2010
موضوع: رد: ازاى تعرف ان الفرح دة فرح شاب مصرى ههههههههههههه الثلاثاء أكتوبر 26, 2010 1:21 am
هههههههههههههههههههههههههههه مجرمة اخر 3 حاجات رنيم روعة
THE HERO مشرف قسم الإسلاميات
رقم العضوية : 10 تاريخ الميلاد : 19/07/1993عدد الرسائل : 1820الموقع : مصر فى قلب النيلالعمر : 30تاريخ التسجيل : 07/08/2010
موضوع: رد: ازاى تعرف ان الفرح دة فرح شاب مصرى ههههههههههههه الأربعاء أكتوبر 27, 2010 3:54 am
والله انتى عليكى حاجات غريبة بس موضوع جامد طحن
روميو مٍـًٍٍـٍـٍـًٍٍـٍشٍـًٍٍـٍـٍـًٍٍـٍرًٍٍـٍفٍـًٍ
رقم العضوية : فوق الجميع تاريخ الميلاد : 22/12/1991عدد الرسائل : 160الموقع : الــ؛ٌِ//ـِّّـد نـــ؛ٌِ//ـِّّـجــ؛ٌِ//ـِّّـوا ن رومــ؛ٌِ//ـِّّـيــ؛ٌِ//ـِّّـووالعمر : 32تاريخ التسجيل : 04/04/2010
موضوع: رد: ازاى تعرف ان الفرح دة فرح شاب مصرى ههههههههههههه الأربعاء أكتوبر 27, 2010 3:16 pm
ههههههههههههههههههههههههههههههههههههه فعلا ده حقيقى والله بيحصل تسلم ايدك يا رنيم والله موضوع جامد ههههههههههههههههههه
رنيم مشرفة قسم الصور
رقم العضوية : 276 تاريخ الميلاد : 15/07/1990عدد الرسائل : 1537العمر : 33تاريخ التسجيل : 30/03/2010
موضوع: رد: ازاى تعرف ان الفرح دة فرح شاب مصرى ههههههههههههه الخميس أكتوبر 28, 2010 8:38 am
ههههههههههههههههههههههههه يسلملى مرورك الجميل يا قمر دايما منورانى
موضوع: ازاى تعرف ان الفرح دة فرح شاب مصرى ههههههههههههه 
الإثنين أكتوبر 25, 2010 10:48 am
