الرساله دى مش منى ولكن من صاحب منتدى وشات وربنا تاب عليه واغلقهم بسم الله الرحمن الرحيم
قال تعالى :
" ولكن الله حبب إليكم الإيمان وزينه في قلوبكم وكرّه إليكم الكفر والفسوق والعصيان "
وقال تعالى :
" إلا من تاب وآمن وعمل صالحاً فاولئك يبدل الله سيئاتهم حسنات وكان الله غفوراً رحيما ً "
الإخوة والأخوات الأعضاء ، الإخوة والأخوات المشرفين والمشرفات ، المراقبين وهيئة الإدارة العليا
تحية قلبية أخوية ملؤها الحب والتقدير والعرفان بالجميل .. اما بعد
اليوم يا اخواني بدي احكي معاكم كلام باللغة العامية ، لانو كلام طالع من جوا القلب ، يمكن ما راح تصدقوا انو وانا قاعد بكتب هاد الكلام يعلم الله اني ببكي من كل قلبي ، ببكي عدد كل حرف كتبتو في هاد الكلام ،
يا اخواني واخواتي الاحباب ، انا يا اخوان اللي دفعني على هاد القرار " قرار اغلاق المنتدى والشات الى الابد واعتزال عالم الانترنت " ، احساسي بالذنب والالم والندم ، موقعي يا جماعة الخير كان يحتوي على اغاني وافلام وصور ممثلات واشياء يعلم الله قديش باخد عليها ذنوب ، شوفو ذنب الاغاني شو بيعمل ؟ شوفو ذنب الصور للمثلات او مغنيات شو بيعمل ؟ وغيرو وغيرو وغيرو .
ما بتعرفو لما كنت اسمع انو فلان تعرف على فلانة ، او قابل فلانة ، ما بتعرفو شو كان يصير فيني او شو كنت احس من ذنب يمنعني والله اعلم يمنعني من النوم طول الليل .
انتو يمكن تستغربو من كلامي هاد ، بس يا اخواني فوتو مواقع الفتاوي الاسلامية وشوفو حكم الاغاني وحكم تعارف فلان على فلانة وعلاقة غير شرعية ، شوفو شو حكم اللي بيقابل فلانة وبيتعرف عليها ؟
اخواني واخواتي .. انا كنت قادر ابيع الموقع بالمبلغ اللي انا بدي اياه ، لكن شو الفايدة ؟؟ راح تضل مواضيعي متل ما هي والذنب هو هو .
انا بحمد الله انو لما قررت انو اسكر المنتدى سكرتو وانا في القمة ، يعني لما الاقي مجموع المشاركات اكتر من 66,612 ، في اقل من عام ، هاد دليل انو اعضاء جروح الاقصى كلهم ما قصروا ،
اخيرا ، ادعولي يا جماعة الخير انو الله يغفر الي ويسامحني ، متل ما انا بدعي الله انو يسامحكم ويغفر الكم ، ارجوا من كل واحد نزل اغنية من الاغاني اللي انا حطيتها انو يحدفها ، او حفظ صورة من كل صورة انا نزلتها انو يمحيها ، وياريت تدعولي دايما بالخير ، لاني فعلا بيعمري ماراح انسى الايام الحلوة والسعيدة اللي قضيتها معاكم ،