شات اسعد الاوقات | دردشة اسعد الاوقات
 
الرئيسيةالبوابة *مكتبة الصورس .و .جالأعضاءالمجموعاتالتسجيلدخولJGJ LVFU

شاطر | 
 

 اهجر سماها وارضها

اذهب الى الأسفل 
كاتب الموضوعرسالة
حسام ابو الحسن
الشاعر حسام ابو الحسن

الشاعر حسام ابو الحسن
avatar

رقم العضوية : ( 1 )
ذكر
القوس
تاريخ الميلاد : 15/12/1984
عدد الرسائل : 5353
الموقع : ( الكويت )
العمر : 33
تاريخ التسجيل : 07/08/2008



مُساهمةموضوع: اهجر سماها وارضها    الأربعاء مايو 02, 2012 5:36 am



خليك زايد ف العناد
أرفض سكناك ف قلبها
ابعد وتمادى ف البعاد
واشتاق وإرجع لحصنها
خلي بينك وبينها بلاد
اهجر سماها وأرضها
ولما يكويك الحنين
أبقى تعال أبكي وبكينا
أرسم في عيونك دمعتك
وقطع ف قلوبنا بسكينة
قول مش قادر على بعدها
قول وحشني حضنها
قول وحشني ترابها
وحشني خضارها
وحشني نهرها
قول مقدرتش أكمل
إصرخ بعلو صوتك قول أنا عيل
قول واحنا هنصدقك
بس إنتا قول كل اللي جواك
مش هتقاطعك ف كلامك
قول واحنا هنبكي على بكاك
م إنتا عارف أننا شعب طيب
وهنفضل كده
مع إن الطيبة في زمانا
بقت حاجة غريبه
بقى دمها تقيل
ومكروهة وبتتعيب
عايشين حياتنا كده
عايشينها زي ما احنا
دمنا خفيف وزي السكر
ورجالة اوي وقت المحنة
ميغركش إن كان زمانا آذانا
ولا الدنيا غيرت ملامحنا
ياما ضحكنا
وياما بكينا
وياما فرحنا
ومهما شفنا منها
دايبين فيها وعاشقينها
هتفضل مصر درعنا وحمانا
وهيفضل حبها اللي دأبحنا
لو قولنا الأاااااه سمعانا
نحسها وتحس بينا لو صرخنا
هيفضل عزها ومجدها أملنا
لو موتنا نموت
ولا يموتش الأمل جوانا
لما ازعل
كانت تيجي وتطبطب على كتفي
ولو مجروح
لمسة أيدها تشفي
وتميل على وداني وتقولي
بكره الأحوال تتعدل
وتبتسم ف وشي ابتسامة
تديني الأمل أكمل
أقوم ازين فيها وأجمل
أقلب صحاريها عمار
وأحول رملها طين
وأخلي صفارها خضار
حدايق وجناين وبساتين
وكل اللي كان يعاديها ادفنه فيها
واللي ينكتب له عمر
ينام في سراية المجانين
ولو يوم جات عليا
وحسيت أنها زعلتني
منشاس أنها ربتني
وإني ياما زعلتها
وإنها ياما استحملتني
وعلشان ما تمرت فيا التربية
كنت اطاطي رأسي واتحمل
وأمشي ف طريقي ولا أقف
ولا شيء يمنعني إني أكمل
ياماااااااا اتحملت مني كتير
وأهو جه دوري اتحمل ......


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://general10.yoo7.com
 
اهجر سماها وارضها
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شات اسعد الاوقات | دردشة اسعد الاوقات :: ا҈இΞ¯−ـ‗_الشاعر حسام ابو الحسن _‗ـ−¯Ξஇ҈ :: قصائد مكتوبة-
انتقل الى: