حسام الشاعر
الشاعر حسام ابو الحسن
رقم العضوية : ( 1 ) تاريخ الميلاد : 15/12/1984 عدد الرسائل : 5354 الموقع : ( الكويت ) العمر : 39 تاريخ التسجيل : 07/08/2008
| موضوع: كبريـــــــــــــــاء مكســـــور الجمعة أكتوبر 21, 2011 4:05 pm | |
| ابقي افتكريني كل ما تقعدي ويا صحابك افتكريني قولي عني كلام ميتحكيش قولي طلعي اللي جواكي متستحيش قولي عني أي كلام ما أنا يادوب حد حبك حبتين ويلا السلام قولي ياما بكي وياما اشتكي من شوقه لياا لحد ما لاموني اهل الملام قولي أنا حبيته صدقه .. شفقة ماهو صعب علياا يا حرام طول الليل والنهار قاعد تحت بيتي لا بيرتاح ولا جفنه بينام باني علي اصلك ماهو أنتي اصلك يادوب واحد كدابه اتلميتوا عليا أنتي واصحابك وعملتوني تسليه والكتره غلابة بس أنتي عارفه من جواكي اني كسرتك ياما ضحكتك ياما بكيتك ياما سهرتك سهرت رمشك أنا خدت منك كل حاجه وسبتلك كبرياء مكسور سبتك عامله ذي مجنونه بتخبط في كل شيء وحولين نفسها بتلف وتدور خدت منك كل حاجه وركنتك حطيتك علي الرف كنت كل ما احتاجلك اجيبك لحد ما زهقت منك قولت اسيبك فاكره كلامك فاكره كلامك ليا ولا أفكرك .؟ أنا اكتر إنسان في الدنيا حيرك كنت أخد منك ولا أديش ولما زهقت قولتلك دي ساعة شيطان نسينا نفسنا في لحظه طيش أما أنتي قولي اللي عايزه تقوليه بس ابقي خبي الكدب في عيونك داريه ده حتى الكدب مش عارفه تكدبيه كدب باين انه مصطنع فاكره فاكره يوم ما عيوني جات في عينك أغمي عليكي أربع ساعات نفوق فيكي ويوم ما قولت اسيبك جالك سرع لو أنتي صحيح شجاعة قولي لو مره الحقيقة قولي لصحابك كلابك إني أنا اللي حبيته وهو اللي سابني قولي إني أنا اللي جيته راكعة من بعد ما رمشه صابني قولي هو كان راجل واكتر شيء حبيته فيه رجولته واني أنا يادوب واحده كدابه ذي قولته بس وليه وأذاي ما أنتي لازم تتباهي قدام صحابك وتطلعيني كداب وانا المغلوب أنا المغلوب علي أمره حبك كان خطيئتة ومش قادر أتوب لا مش كده بس ده أنا كمان كنت 24 ساعة ملطوع علي بابك عامل ذي مجنون حبوب وعيال شارعكم بيحدفوني بالطوب كل ده ولا هاممني جسمي غرقان في دمي وواقف مستني نظرة منك ..! مش كده .....؟ عاااااااااااادي في الدنيا كتير ويا ما شفنا ولسه اللي يعيش ياما يشوف وأنا يوم ما فكرت احبك مكنتش إنسان كنت خروف اختارتك أنتي ما بين ألوف وطلعتي خاينه ده حتي الخاينه من نظرة عينيها بتبان أذاي أنا انخدعت فيكي ..؟ انسي إني فـ يوم افتكرك أو حتى أفكر فيكي أنتي في حياتي واحده ...........! وخلاص عملتي اللي عليكي شوفي غيري يصدق الكدب اللي فيكي وصدقيني أنا مش حزين ده حتي يوم ما شوفتك كانت ليله طين بجد أنتي أخر واحده ممكن احزن عليكي ومش صعابنه عليااا طيب بالله عليكي هسالك سؤال وردي علياا عمرك في حياتك شوفتي فريسة حزن عليها ديب أنا كنت دييييييييييب ميغركيش إني واد حبيب كنت حبيب أما معاكي أنا الوحيد اللي لا يعرف لا حرام ولا عيب ما تفوقي بقي بصي لروحك كفياكي اوهام أنتي يادوب كنتي في حياتي ذي محطه بس مينفعش اقف فيها بس كنت مضطر غصب عني افوت عليها أما حياتي دي كتااااب كبير وكله أحكايات أنتي يادوب كنتي كام سطر في حكاية منهم يلا يا شاطره العبي بيعد أنا لسه ببتدي وأنتي خلاص دي النهاية واحده ماتت وبتكابر رغم انه كبريائك مكسور
حســــــــام أبــــو الحســـــن | |
|