حسام ابو الحسن
الشاعر حسام ابو الحسن
رقم العضوية : ( 1 ) تاريخ الميلاد : 15/12/1984 عدد الرسائل : 5354 الموقع : ( الكويت ) العمر : 39 تاريخ التسجيل : 07/08/2008
| موضوع: أمنيه مش هتتحقق الجمعة يونيو 03, 2011 8:56 am | |
| أمنيه مش هتتحقق
شفتها في حلمي والاحلام عمرها بتكون حقايق
ولمــــا صحيــــــت لقيــــت نفســــي مضايــــــــق
مش حامل هدومي علي جسمي ونفسي ابكي ومش طايق
قربت منها وقولتلها انا عايز اشوفك
قالت معادنا بكره زي دلوقتي
هقعد معاك شويه علي قد وقتي
وقبل المغربيه هضطر أسيبك امشي
وجريت علي سريري ونمت علشان الحق المعاد
لمحت طيفها نور بينور للخلايق
ونورها شعاع في عيني كل ما اغمض يصحيني
وكل ما اصحي من نومي ابص القيني مضايق
وارجع من تاني بسرعه وانام واشوفها تاني في المنام
بس لحد امتي هفضل مشوفش حبيبتي الا وانا نايم
وفي يوم من الايام ساعة عصرية شفتها
حطيت ايدي علي كتفها فرحت وكنت طاير من فرحتي
معقوله انتي معايه في دنيتي كلمتها قولتلها ع اللي جوايه
حكيت حكايتي من البدايه للنهايه قولتها حياتي كلها فداكي
مش عايز من الدنيا غير اني أفضل وياكي
ضحكت وضحكتها جمالها مالوش حد
وفجأة لقتني وقعت بصيت لقتني مرمي علي الارض
سريري بالطول وانا نايم جمبه بالعرض
صحيت ضحكت كتيييييييير ورجعت بكيت
ولما فوقت لقتني برضه مضايق
مش حامل هدومي علي جسمي ونفسي ابكي ومش طايق
بس كان لازم افوق لأن الاحلام عمرها ما هتبقي حقايق
وحبيبتي حلم وانا بس اللي مش عايز اصدق
ان دي أمنية حياتي مش هتتحقق
أمنيه مش هتتحقق
بقلمــــي
حسام ابو الحسن | |
|