حسام ابو الحسن
الشاعر حسام ابو الحسن
رقم العضوية : ( 1 ) تاريخ الميلاد : 15/12/1984 عدد الرسائل : 5354 الموقع : ( الكويت ) العمر : 39 تاريخ التسجيل : 07/08/2008
| موضوع: بحبك يا عمري الخميس أبريل 21, 2011 12:46 pm | |
| بحبك يا عمري
بقالي كتير بعيد عن قلمي وأوراقي حتى لما حبيت أكتب لقيت حتى قلمي مني زعلان فضلت أحادي فيه وأدادي لكن كل مادا بيزيد في تقله كمان وكمان ولما صفي يادوب لمس أوراقي لقيته بيرسم قلوب أشكال وألوان ساعتها بس حسيت انه القلم من كتر حبي ليكي عشقان حبره نازل على الورق ذي ورد دبلان لكنه فايح منه عطرك ومالي المكان إياكي تكوني فاكره إني ناسي أبداً وحياتك أنا كل مادا بحس إني عشقان حبك مالي كل حياتي مش مخلي لغيرك مكان فاكره أول مره قابلتك لما لساني نطق حرف اسمك من وقتها عيوني مش شايفه إلا صورتك ووداني عشقت صوتك وهمسك ساعتها دبت وغرقت في بحر حبك ولحد دلوقتي مازلت غرقان بكتبلك الكلام ده وقلبي هيقف مني سامع صوت الورق يدندن والقلم من فوقه بيرقص ويغني بعدي عنك غصب عني بس مقدرش انسى انك حته مني اياكي تقولي اني مش حته منك بختم كلامي بتلت كلمات ذي بعض وأحلي وأجمل ما فيهم إني بحبك
بحبك يا عمري | |
|