شات اسعد الاوقات | دردشة اسعد الاوقات
 
الرئيسيةالبوابة *مكتبة الصورس .و .جالأعضاءالمجموعاتالتسجيلدخولJGJ LVFU

شاطر | 
 

 يآمنه لعبد الرحمن الابنودي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
سندباد
الشاعر حسام ابو الحسن

الشاعر حسام ابو الحسن
avatar

رقم العضوية : 77
ذكر
الميزان
تاريخ الميلاد : 29/09/1984
عدد الرسائل : 146
الموقع : مقيم بالكويت
العمر : 33
تاريخ التسجيل : 04/10/2008


مُساهمةموضوع: يآمنه لعبد الرحمن الابنودي    الأربعاء مارس 23, 2011 12:18 am


يآمنة
عبد الرحمن الابنودى
والله وشبت ياعبد الرحمن.. عجزت ياواد.؟
مُسْرَعْ ؟ميتى وكيف؟
عاد اللى يعجز فى بلاده غير اللى يعجز ضيف.!!ه
هلكوك النسوان؟
شفتك مرة فالتلفزيون.ومرة ...ورونى صورتك فى الجورنان
وقلت كبر عبد الرحمن.!!ه
أمال انا على كده مت بقالى ميت حول.!!ه
والله خايفة ياوليدى القعدة لتطول
مات الشيخ محمود. وماتت فاطنة ابن قنديل
واتباع كرم اب غّبان. وانا لسه حية
وباين حاحيا كمان وكمان.ه
عشت كتير
عشت لحد ماشفتك عجزت يا عبد الرحمن
وقالولى قال خلفت
وانت عجوز خلفت ياخوية؟؟
وبنات..!!؟
امال كنت بتعمل ايه طيلة العمر اللى فات؟
دلوقت ما فقت؟
وجايبهم دلوقت تعمل بيهم ايه؟
على كلِّ.....ه
اهى ريحة من ريحتك ع الارض
يونسوا بعض
ماشى ياعبد الرحمن
اهو عشنا وطلنا منك بصة وشمة
دلوك بس ما افكرت فيامنة وقلت ياعمة؟؟
حبيبى انت يا عبد الرحمن
والله حبيبى ..وتتحب
على قد ماسارجاك الغربة
لكن ليك قلب
مش زى ولاد الكلب اللى نسيونا زمان
حلوة مرتك وعويلاتك
والا شبهنا..؟
سمتهم ايه..؟قالولى :آية ونور
ماعرفشى تجبلك حتة واد؟
ولا اقولك
يعنى اللى جبناهم نفعونا فالدنيا بإيه؟
غير شى الانسان مغرور.!!ه
ولسه يامنة هتعيش وحتلبس لما جايبلى قطيفة وكستور؟
كنت اديتهملى فلوس اشترى للركبة دهان
آباى مامجلّع قوى يا عبد الرحمن
طب ده انا ليه ست سنين مزروعة فى ظهر الباب
لم طلوا علينا أحبة ولا اغراب
خليهم ..ينفعوا أعملهم اكفان..!!ه
كرمش وشى.فاكر يامنة وفاكر الوش.؟
إوعى تصدقها الدنيا...ه
غش فغش..!!هاذا جاك الموت ياوليدى
موت على طول
اللى اتخطفوا فضلوا احباب
صاحيين فالقلب كإن ماحدش غاب
واللى ماتوا حتة حتة
ونشفواووهم حيين
حتى سلامو عليكوا مش بتعدى من برة الاعتاب
اول مايجيلك الموت افتح
اول ماينادى عليك ..إجلع
انت كسبان
اوعى تحسبها حساب.!!ه
بلا واد ...بلا بت
ده زمن يوم ما صدق كذاب.!!ه
سيبهالهم بالحال والمال وانفد
اوعى تبص وراك
الورث تراب
وحيطان الايام طين
وعيالك بيك مش بيك عايشين..!!ه
يو.....ه يازمن
مشوار طولان
واللى يطوِّله يوم عن يومه ياحبيبى.حمار
الدوا عاوزاه لوجيعة الركبة
مش لطولة العمر
اوعى تصدق ألزنها صفر وحمر
مش كنت جميلة ياواد؟
مش كنت وكنت
وجدعة. تخاف منى الرجالة..؟
لكن فين شوفتنى..؟
كنتوا عيال!!ه
بناتى راضية ونجية ماتو وراحوا
وأنا اللى قاعدة
طيب يازمن.!!ه
إوعى
إوعى تعيش بوم واحد بعد عيالك
إوعى يا عبد الرحمن
فى الدنيا أوجاع وهموم اشكال والوان
الناس مابتعرفهاش
اوعى هم لو هتعيش بعد عيالك ما تموت
ساعتها بس...
ها تعرف ايه هو الموت.!!ه
اول ما يجيلك ...نط
لسه بتحكلهم بحرى حكاية
فاطنة حرامى الفوط..؟
آباى ماكنت شقى وعفريت
من دون كل الولدان
كنت مخالف ..براوى..ه
وكنت مخبى فى عنيك السحراوى
تملى حاجات
زى الحداية....هتخوى ع الحاجة..وتطير
من صغرك بضوافر واعرة ..ومناقير
بس ماكنتش كداب
وآدينى استنيت فالدنيا
لما شعرك شاب..!!ه
قادم البيت
اتهدت قبله بيوت وبيوت
وأصيل هوه..ه
مستنينى لما اموت..!!ه
هاتيجى العيد الجاى؟
واذا جيت
هاتيجى لجاى؟
وهتشرب مع يامنة الشاى.؟؟
هاجى ياعمة وجيت..ه
لا لقيت يامنة ولا البيت






[center]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
حسام ابو الحسن
الشاعر حسام ابو الحسن

الشاعر حسام ابو الحسن
avatar

رقم العضوية : ( 1 )
ذكر
القوس
تاريخ الميلاد : 15/12/1984
عدد الرسائل : 5353
الموقع : ( الكويت )
العمر : 32
تاريخ التسجيل : 07/08/2008



مُساهمةموضوع: رد: يآمنه لعبد الرحمن الابنودي    الأربعاء مارس 23, 2011 1:08 pm


نايس يا ابو حمزه تسلم ايدك
الابنودي الشعب المصري بعينه اللي علي طبيعته
اما الكبرياء لله سبحانه وتعالى

تسلم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://general10.yoo7.com
نور
مشرفة قسم المنتدي العام
مشرفة قسم المنتدي العام
avatar

رقم العضوية : 22
انثى
القوس
تاريخ الميلاد : 05/12/1989
عدد الرسائل : 6233
العمر : 28
تاريخ التسجيل : 27/01/2010





مُساهمةموضوع: رد: يآمنه لعبد الرحمن الابنودي    الجمعة أبريل 15, 2011 11:41 am

قمة التالق الابنودى مفيش اى كلام
دايما سندباد متالق
وفى تميز مستمر
دومت بكل ود














الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
يآمنه لعبد الرحمن الابنودي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شات اسعد الاوقات | دردشة اسعد الاوقات :: ҈இΞ¯−ـ‗_ الشعر والخواطر _‗ـ−¯Ξஇ҈ :: كبار الشعراء والادب-
انتقل الى: