يحيا شباب الفرافير

يحيا شباب التغيير

صحي من النوم مزاجه مش رايق
بوزه شبرين مخنوق و مدايق
قام مفزوع من ع السرير
صباح الخير يا سوزي
قالتله صباح الخير
هنفطر ايه الاكل كتير
والشعب هيفطر ايه
الفول فيه الخير
من اول لقمه هووووب شينق
خير اللهم اجعله خير
فين العدلي ..؟
صباح الخير يا كبير
واللي يشوف وشك منين يجيله خير
بتهبب ايه عندك ..؟
عندي شغل كتر
لا والله بتتعب ...!
عملت ايه في بتوع التحرير .؟
متشغلش بالك انتا وروق يا كبير
دول حبه عيال ومش كتير
اغلبهم فيس بوك يعني نايتي وفرافير
يوم وهيمشوا او يومين بالكتير
اهاا طيب وطلباتهم ايه ..؟
ال ايه طالبين تغيير
طيب بالراحه عليهم
خليهم يتسلوا دول برضه ولادنا
لا والله فيك الخير
مدلعهم يا ريس يا قلبك الكبير ...!
طيب يلا غور من وشي
قولهم علي قلبكم ومش هيمشي
احنا عملنا للبلد دي كتير
ولما جمال يمسكها ان شاء الله يصير خير
جمال ابنك ...؟
طبعا ابني ....!
ده لازم يبقي الرايس وامريكا مش هتسبني
والبركه في التزوير
صح يا سوزي أكيد يا حبيبي
طيب اديني تلفوني
هتلاقيه عندك في جيبي
الوووو البيت الابيض ..؟
نهاركم ابيض
ايه يا عم انتا انتا هتبيع لبن
مين معايه ..؟
خبر ايه يا هنري انا حسني
حسني مين يا ابني ..؟
انا حسني مبارك
طيب ما تقول كده من بدري
طيب قولي للكلمنجي قوام يلحقني
الموضوع بقي كبير
احسن تستاهل
ما انتا مشاكلك كتير
خلاص يا عم حسني
اراتاح انتا حان وقت التغيير
تيييييت تيييييييت
قفلوا في وشه
والعيال مش راضيين يمشوا
قابل يا كبير
قال نجر ناعم
روح يا عدلي قولهم كلام نواعم
صاحبنا من غباوته
عملهم حصار
جاب خيول وجمال
وامر رجالته بضرب النار
دم الشعب المصري فار واخد القرار
طلع جمي يجري الحق يا بابا
العدل خلاها دمار
قال يا نهار اسود ضيعني الحمار
بعديها بدقيقتين طلع المساجين
قتالين القتله والحراميه والنصابين
قال ارعبوا العيال دي ومشوها وانتم احرار
سكاكين ومطاوي اعملوا مجازر خلوها دمار
عشرين يوم شباب رجاله عيونه مشافت النوم
اتريكي يا مصر مكنتيش حلم
انتي في كابوس أصحي بلا هم
تزوير ونهب وسرقه وظلم
اول اسبوع في التحرير
اثبتوا يا رجاله فات الكتير
قاعدين ومش خايفين
هنموت هنا ومش مروحين
قاعدين في البرد ايام وليالي كامله
لحد ما تكرم الباشا وقالوا هيلقي كلمه
بيان رقم 1
اقالنا الحكومه
طيب والرجاله اللي ماتت قديمه يا لوما
مش ماشيين
غطس اسبوع واتعطف
بيان رقم 2
عينا سليمان نائب لينا وكلام خيبان
برضه مش ماشيين
اومال عايزين ايه
قولنا عيش وانسانيه
وعداله اجتماعه
شوفت اخويا بيموت قدام عنيا
وبقينا ارهابيين
هي كلمه ومش هنكتر
لم هدومك يا مبارك وارحل
ايييييييه اييييييييييه
مش هنكتر لم هدومك وارحل
لازم ترحل لازم ترحل
الشعب يريد اسقاط النظام
هي كلمه واحده ومش هنكتر في الكلام
اللي يحاربنا ويملى الارض بدم ولادنا
مش لازم يفضل
خلي رجالتك تقتلنا
وخلي وكلابك تاكلنا
ياخي ادبحنا لو تقدر تدبحنا
مش هنروح ويا انتا يا احنا
ويشهد علينا ميدان التحرير
يحيا شباب الفرافير